ಲೇಸರ್ ಬೇಲಿ ನಿರ್ಮಿಸಲು ಮುಂದಾದ ಮೋದಿ ಸರ್ಕಾರ

ಗಡಿಯಲ್ಲಿ ಪಾಕ್ ಪ್ರಚೋದಿತ ಉಗ್ರರ ಉಪಟಳಕ್ಕೆ ಶಾಶ್ವತ ಪರಿಹಾರ ಕಂಡುಕೊಳ್ಳುವ ನಿಟ್ಟಿನಲ್ಲಿ ದಿಟ್ಟ ಹೆಜ್ಜೆ ಇಟ್ಟಿರುವ ಮೋದಿ ಸರ್ಕಾರ, ಇದೀಗ ಇಂಡೋ-ಪಾಕ್​ ಗಡಿಯಲ್ಲಿ ಲೇಸರ್​ ತಂತ್ರಜ್ಞಾನ ಬಳಸಲು ಚಿಂತನೆ ನಡೆಸಿದೆ. ಪಾಕ್ ನಿಂದ ಉಗ್ರರು ಹಾಗೂ ನುಸುಳುಕೋರರು ಗಡಿ ಭದ್ರತಾ ಪಡೆಯ ಕಣ್ಣು ತಪ್ಪಿಸಿ ಒಳ ನುಸುಳುತ್ತಿರುವುದನ್ನು ಮನಗಂಡ ರಕ್ಷಣಾ ಇಲಾಖೆ ಭಾರತ-ಪಾಕ್ ಗಡಿಯ 40 ಆಯಕಟ್ಟಿನ ಪ್ರದೇಶಗಳಲ್ಲಿ ಲೇಸರ್​ ಗೋಡೆ ನಿರ್ಮಿಸಲು ಮುಂದಾಗಿದ್ದು, ಈ ಲೇಸರ್ ವಾಲ್ ನಲ್ಲಿ ಪ್ರತಿ ಒಂದು ನಿಮಿಷಕ್ಕೆ ಲೇಸರ್​ ಕಿರಣ ಬಿಡುಗಡೆಯಾಗಲಿದ್ದು, ಮನುಷ್ಯರು ಗಡಿ ಬೇಲಿಯನ್ನು ದಾಟಲು ಯತ್ನಿಸಿದರೆ ಕಂಟ್ರೋಲ್ ರೂಂಗೆ ಸಂದೇಶ ನೀಡಲಿದೆ. ಹಾಗಾಗಿ ಆ ಭಾಗದಲ್ಲಿ ಹೆಚ್ಚಿನ ಭದ್ರತೆ ಒದಗಿಸುವುದು ಸುಲಭವಾಗುತ್ತದೆ. ಅಲ್ಲದೇ ಭಾರತ ರಾಜಸ್ಥಾನ್, ಪಂಜಾಬ್​ ಮತ್ತು ಜಮ್ಮು-ಕಾಶ್ಮೀರದಲ್ಲಿ ಪಾಕಿಸ್ತಾನದೊಂದಿಗೆ ಗಡಿಯನ್ನು ಹಂಚಿಕೊಂಡಿದ್ದು, ಹಾಗಾಗಿ ಈ ಎಲ್ಲ ಗಡಿಯಲ್ಲಿ ಲೇಸರ್ ಬೇಲಿಯನ್ನು ನಿರ್ಮಿಸುವ ಸಾಧ್ಯತೆ ಇದೆ.